Şok: Cənab Prezidentin diqqətinə: Masallıda ana təbiət təhlükə altında_VİDEO

Tarix:9-05-2022, 17:12

Metbuat.info xəbər portalına etibarlı mənbədən daxil olan məlumata görə, Masallıda oksigen bazamız təhlükə altındadır.
Masallı meşələri bəzi dırnaq arası məmurların qazanc mənbəyinə çevrilib.

Mənbə qeyd edir ki, Masallı Regional Meşə Təsərrüfatı Mərkəzinin 18 saylı meşə zolaqları biçənək, iri və xırda buynuzlu mal-qara örüşü və həm də yatağı kimi vətəndaşlara satılıb.

Mənbənin sözügedən dolayda lentə aldığı çəkilişlərdən də görünür ki, meşə ərazisində at ilxıları, yüzlərlə iri və xırda buynuzlu mal-qara otarılır və mənbə sözügedən çəkilişi dövriyyədə olan 10.00 hektar əkin yerinə yaxın olan ərazidə alıb.

Mənbə bildirir ki, sözügedən dövlət meşələrin Masallı Regional Meşə Təsərrüfatı Mərkəzinin baş meşəbəyisi Faiq Əmişov və baş mühafizə mühəndisi Abturab Bağırov satıb. Bizə çatan məlumatlarda bildirilir ki, sözügedən dolayın gözətçisi Əli Ağayev isə həmin mal-qara sahiblərindən aylıq haqq alıb sözügedən dırnaq arası məmurlara ötürür.
Təzə alvadı, Meşəkənar və digər kəndlərin mal-qaraları sözügedən meşədədir, bu isə bir başa təbii bərpanın məhv olması deməkdir. Özü də yaz aylarında təbii bərpanın inkişaf edən (cücərən) vaxtı. Yəni, həmin ərazidə generatik yolla bitən adları "Qırmızı Kitaba" düşmüş azad və dəmirağac məhv olması deməkdir.

P.S. 20 gün öncə sözügedən dolayın mal-qara yatağına çevrilməsi və mal örüşü kimi satılması barədə xəbər paylaşmışdıq, amma buna baxmayaraq həmişə olduğu kimi Masallı Rayon Icra Hakimiyyəti həqiqətə uyğun olmayan cavab bizim "facebook" səhifəmizə üzərindən vermişdir ki, guya mal-qara meşədən kənarda saxlanılır. Hansı kənar? Çəkilişlərdən açıq-aydın görünür ki, sözügedən yer düz meşənin göbəyidir.
Buradan belə başa düşülür ki, bu işlərdə Masallı RİH-nin də əli vardır.

Çün ki, təbiəti məhv etdirən , təbiəti guya dırnaq arası qoruyanların hələ özləridir.

Qarşı tərəfi dinləməyə hazırıq.