Mayası vətənpərvərliklə, halallıqla yoğrulan gözəl insan Sevinc Əliyeva

Tarix:29-11-2022, 12:27

Azərbaycan bütün istiqamətlərdə sürətli inkişaf yolunda inamla irəliləyir. Təbii ki, hər bir inkişafın təməlində insan kapitalı, onun əsasında isə təhsil dayanır. Çünki hər bir dövlətin gələcəyi həmin ölkədə təhsilin səviyyəsi ilə ölçülür. Azərbaycanda təhsilin inkişafı dövlət siyasətinin prioritet istiqamətlərindən biridir. Təhsil sahəsində önəmli islahatlar həyata keçirilir. Bu gün ölkəmizdə təhsilin daha da inkişafı üçün xeyli sayda dövlət proqramı icra olunur. Həyata keçirilən dövlət proqramları çərçivəsində təhsil təyinatlı yeni binalar inşa edilir, ümumi təhsil müəssisələrinin binaları əsaslı təmir olunur. Təhsildə informasiya-kommunikasiya texnologiyalarının tətbiqi genişlənib, bütövlükdə təhsilin infrastrukturu müasirləşib.

“Görülən işlər bir daha təsdiqləyir ki, ölkəmizdə təhsilin və elmin inkişafı prioritet istiqamətlərindəndir. 44 günlük Vətən müharibəsi Müzəffər Ali Baş Komandan İlham Əliyevin rəhbərliyi, şanlı Ordumuzun şücaəti, xalqımızın həmrəyliyi sayəsində Zəfərlə başa çatdı. İşğaldan azad olunmuş torpaqlarımızda bu gün sürətli bərpa və quruculuq işləri aparılır. Bu quruculuq işləri təhsildən də yan keçmir. Təhsilin inkişafı ölkədə əhalinin rifahının yaxşılaşması, həmçinin fərdin həyatının daha yüksək səviyyədə qurulması üçün zəmin yaradır. İnanıram ki, bu istiqamətdə qarşıya qoyulan hədəflərə uğurla çatacağıq”

Texniki-innovativ dəyərlər və innovasiyalı təhsil təkcə müşahidələrdən, avadanlıqlarla canlı ünsiyyətdən ibarət deyil, həm də bilik səviyyəsinin artırılmasında, tədris, təhsil işinin keyfiyyətinin artmasında həlledici rollardan birini oynayır və artıq dünya təhsil sistemində də bu sivil qaydalar geniş tətbiq edilir.
3 nömrəli məktəb-liseydə texniki avadanlıqların innovativ dəyərlər kimi ehtivası artıq günün tələbidir və şagird-müəllim kontingentinin laborator-rəqəmsal biliklərə yiylənmək maraqlarını hər kəsə açıq göstərir. Bu da müasir təhsil proqramlarının tətqiqi, tətbiqi və bundan geniş istifadə edilməsi şərtlərini fundamental əsaslar kimi önə çəkir. Məhz 3 nömrəli məktəb-liseydə təhsil bu kriteriyalar üzrə öz səviyyəsinin təyin edir. Elə bunun nəticəsidir ki, adıçəkilən məktəb-lisey ilin məktəbi nominasiyası üzrə qalib adı qazanıb.
Sevinc xanım onu da vurğulayır ki, ulu öndər tərəfindən başlanmış və bu gün də ölkə başçısı cənab İlham Əliyev tərəfindən uğurla davam etdirilən uğurlu təhsil işləri Azərbaycanda həyata keçirilən islahatların real təzahürü olmaqla, ölkənin hərtərəfli tərəqqisinə xidmət edir və xalqımız bundan sonra da ulu öndərimizin müəyyən etdiyi dövlətçilik amallarına daim sadiq qalacaq, ölkəmizin daha da inkişafı və qüdrətlənməsi naminə möhtərəm Prezidentimizə layiqli yardımçı olacaq, yüksək əzmlə çalışacaqlar.

Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.

Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.

Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - gözəl insan, xeyriyyəçi Xırdalan şəhər 3 saylı məktəb-liseyin direktoru Sevinc Əliyevanın keçdiyi mənalı ömür yoluna qısa da olsa, nəzər salmağa çalışacağıq.

Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Xırdalan şəhər 3 saylı məktəb-liseyin direktoru Sevinc Əliyevadır.

Xırdalan şəhər 3 saylı məktəb-liseyin direktoru Sevinc Əliyeva qazilərin, şəhid ailələrinin, veteranların yaxın dostudur. Onların heç bir müraciətini geri çevirməyən Sevinc Əliyeva səlahiyyətləri çərçivəsində hər cür köməklik göstərməyə həmişə hazırdır.

Mayası vətənpərvərliklə, halallıqla yoğrulan bu gözəl insana, Xırdalan şəhər 3 saylı məktəb-liseyin direktoru Sevinc Əliyevaya biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Oxunub: 164